Серіккүл Сәтенова Купешбаевна

Филология ғылымдарының докторы, профессор Серіккүл Сәтенова Купешбаевна – салыстырмалы тіл білімі, аударматану және этнолингвистика салаларында зерттеу жүргізіп жүрген белгілі ғалым. Ол 1959 жылы Қызылорда облысында дүниеге келген. 1982 жылы Н.В.Гоголь атындағы Қызылорда педагогикалық институтын үздік дипломмен тәмамдаған. Серіккүл Көпешбайқызы 1990 жылы түркі тілдері мамандығы бойынша кандидаттық, 1998 жылы қазақ тілі мамандығы бойынша докторлық диссертация қорғаған. Қазіргі таңда Л.Н.Гумилев атындағы Еуразия ұлттық университеті Аударма теориясы мен практикасы кафедрасының профессоры қызметін атқарады. Ғалымның ғылыми зерттеу бағыттары – фразеология, этнолингвистика, аударма теориясы, мәдениетаралық коммуникация және лингвомәдениеттану мәселелері. Оның еңбектерінде қазақ және ағылшын фразеологиясының ерекшеліктері, этнолингвизмдердің аудармадағы сипаты мен ұлттық-мәдени код мәселелері кеңінен қарастырылады. Профессор С.К.Сәтенованың 150-ден астам ғылыми мақаласы, бірнеше монографиясы мен оқу құралдары жарық көрген.