Авакова Раушангул Амирдиновна

Филология ғылымдарының докторы, профессор Авакова Раушангул Амирдиновна– қазақ фразеологиясы мен лингвомәдениеттану саласының белгілі маманы. Әл-Фараби атындағы Қазақ ұлттық университетін қазақ тілі мен әдебиеті мамандығы бойынша үздік дипломмен тәмамдап, осы оқу орнында аспирантурада білім алған. 1991 жылы «Қазіргі ұйғыр тілінің етістік фразеологизмдерінің семантикалық-морфологиялық сипаттамасы» тақырыбында кандидаттық, ал 2003 жылы «Қазақ фразеологизмдерінің семантикасы» тақырыбында докторлық диссертация қорғаған. Қазіргі таңда Әл-Фараби атындағы Қазақ ұлттық университеті жалпы тіл білімі кафедрасының профессоры. Ғалымның негізгі зерттеу бағыттары – жалпы және түркі тіл білімі, фразеология, лингвомәдениеттану, екітілді лексикография және түркі тілдері фразеологизмдерінің ұлттық-мәдени ерекшеліктері. Оның 150-ден астам ғылыми еңбегі, монографиялары, оқулықтары мен оқу құралдары жарық көрген. Сонымен қатар бірнеше ғылым кандидаттарын даярлап, қазақ тілін шетел тілі ретінде оқыту әдістемесімен де айналысып келеді.